Cinema Thought

നവ്യയുടെ ശക്തമായ തിരിച്ചുവരവിന്റെ എല്ലാ ഘടകങ്ങളും ചിത്രത്തിലുണ്ടെന്ന സൂചന ടീസർ പ്രേക്ഷകർക്ക് നൽകുന്നുണ്ട്

പ്രേക്ഷകരുടെ നീണ്ട കാത്തിരിപ്പിന് ശേഷം നവ്യാ നായർ നായികയാകുന്ന ചിത്രം ഒരുത്തീയുടെ ടീസർ വനിതാ ദിനത്തിൽ നടി ഭാവന റീലീസ് ചെയ്തു. തന്റെ സാമൂഹിക മാധ്യമത്തിലൂടെ ‘പ്രിയപ്പെട്ട നവ്യ’ എന്ന് തുടങ്ങുന്ന ഒരു കുറിപ്പിനൊപ്പമായിരുന്നു ഭാവന ടീസർ പുറത്തു വിട്ടത്. വനിതാ ദിനത്തോട് അനുബന്ധിച്ച പുറത്തിറങ്ങിയ ടീസറിന് മികച്ച പ്രതികരണമാണ് സമൂഹ മാധ്യമങ്ങളിലും പ്രേക്ഷകർക്കിടയിൽ നിന്നും ലഭിക്കുന്നത്.

‘പ്രിയപ്പെട്ട നവ്യ, ടീസറിൽ നിന്റെ അഭിനയം കണ്ടപ്പോൾ എനിക്ക് രോമാഞ്ചം ഉണ്ടായി. നീ ഒരു അസാധാരണ നായികയാണെന്ന് സ്വയം തെളിയിച്ചിട്ടുള്ളതാണ്. ഞാനെപ്പോഴും നിന്റെ സ്‌ക്രീനിലുള്ള പെർഫോമൻസ് എന്ജോയ് ചെയ്യാറുണ്ട്. എത്ര അനായാസമായാണ് നീ ഓരോ ചിത്രങ്ങളും കൈകാര്യം ചെയ്യുന്നത്. നിന്റെ ഉള്ളിൽ ഒരു തീയുണ്ട്, അതെപ്പോഴും ജ്വലിപ്പിച്ചു കൊണ്ടിരിക്കുക. ഒരുത്തിയുടെ ടീസർ പങ്കുവെക്കുന്നതിൽ ഞാൻ തികച്ചും സന്തുഷ്ടയാണ്’ എന്നായിരുന്നു ഭാവന ടീസറിനൊപ്പം കുറച്ചത്.